سوال: السلام علیکم، مفتی صاحب! دسویں ذی الحجہ کو رمی کے مقام پر کافی رش ہونے کی وجہ سے ہم نے رمی کچھ مؤخر کردی، چونکہ ہمارے ساتھ گروپ میں خواتین تھیں، اس لیے ہم نے صبح کے بجائے مغرب کے وقت رمی کی، کیا ہمارا اس طرح کرنا صحیح ہے؟

جواب: واضح رہے کہ یوم النحر کے دن رمی کو مغرب تک مؤخر کرنے میں کوئی حرج نہیں ہے، البتہ شرط یہ ہے کہ جب تک حاجی رمی نہ کر لیں، اس وقت تک حج تمتع اور قران کی قربانی نہیں کر سکتے، اور جب تک قربانی نہ ہوجائے، حلق یا قصر نہیں کروا سکتے، لہذا اگر آپ نے اس شرط کے مطابق کیا ہے، تو مغرب کے وقت رمی کرنے میں کوئی مضائقہ نہیں ہے۔