سوال: السلام علیکم، مفتی صاحب! اگر کوئی معذور اپنی رمی نہ کرسکے اور دوسرا شخص اس کی طرف سے رمی کرنا چاہے، تو اس کا کیا طریقہ ہے؟ کیا ایک کنکری اپنی طرف سے مارے اور دوسری کنکری اس شخص کی طرف سے یا دونوں الگ الگ کرے؟

جواب: واضح رہے کہ کسی مجبوری کی بنا پر دوسرے کی طرف سے رمی کرنے کا طریقہ فقہاء نے یہ لکھا ہے کہ پہلے اپنی طرف سے مکمل سات کنکریاں مارے اور پھر دوسرے کی طرف سے نیابت کے طور پر سات کنکریاں مارے، ایک کنکری اپنی طرف سے اور دوسری کنکری دوسرے شخص کی طرف سے مارنے کو فقہاء نے مکروہ کہا ہے۔