عنوان:
مذاق میں کفریہ الفاظ کہنے کا حکم
(3741-No)
سوال:
آج دفتر میں ایک شخص نے حاضرین کو ہنسانے کیلئے ایک پٹھان پر جگت مارتے ہوئے یہ الفاظ کہے: "پٹھانوں کی دعا قبول نہیں ہوتی، کیونکہ ﷲ تعالی کو پشتو سمجھ نہیں آتی" (العیاذ باللہ) پھر دوسرا جملہ اُس نے یہ کہا: "جہنم کے دروازے بند ہو چکے ہیں، کیونکہ اس کے دادا نے اندر جا کر کنڈی لگا دی ہے" اس شخص کے مندرجہ بالا جملے ادا کرنے کا شرعی حکم کیا ہے؟
جواب: سوال میں ذکر کردہ کلمات "پٹھانوں کی دعا قبول نہیں ہوتی، کیونکہ اﷲ تعالی کو پشتو سمجھ نہیں آتی" کفریہ ہیں اور کفریہ کلمات ہنسی مذاق کے طور پر کہنے سے بھی انسان دائرہ ایمان سے خارج ہوجاتا ہے، لہذا ایسے شخص پر لازم ہے کہ اپنے ان کلمات پر توبہ و استغفار کرنے کے بعد تجدیدِ ایمان کرے اور اگر شادی شدہ ہو تو تجدید نکاح بھی کرے اور آئندہ کے لیے ایسے کلمات کہنے سے اجتناب کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (222/4، ط: الحلبي)
وفي الفتح من هزل بلفظ كفر ارتد وإن لم يعتقده للاستخفاف فهو ككفر العناد.
رد المحتار: (224/4، ط: ط الحلبي)
ثم قال في البحر والحاصل: أن من تكلم بكلمة للكفر هازلا أو لاعبا كفر عند الكل ولا اعتبار باعتقاده كما صرح به في الخانية ومن تكلم بها مخطئا أو مكرها لا يكفر عند الكل، ومن تكلم بها عامدا عالما كفر عند الكل ومن تكلم بها اختيارا جاهلا بأنها كفر ففيه اختلاف. اه.
واللہ تعالٰی اعلم بالصواب
دارالافتاء الاخلاص،کراچی
Allah Taala, ko, pashto, pashtoo, pashtu, nahin, naheen, aati, kehnay, walay, waalay, ka, hukm, hukum, Alayaz Billah,
Ruling about the person who says, Allah Almighty does not know Pashto.