عنوان:
کیا حاجی اپنی قربانی کا گوشت کھا سکتا ہے؟(3779-No)
سوال:
السلام علیکم، مفتی صاحب! جو لوگ حج کرنے کے لیے جاتے ہیں، اور وہ حج سے فارغ ہوکر قربانی کرتے ہیں، کیا وہ اس قربانی کا گوشت کھا سکتے ہیں؟ میں نے سنا ہے کہ حاجی اپنی قربانی کے گوشت کو فقراء میں تقسیم کر دے۔ شریعت کا اس بارے میں کیا حکم ہے؟
جواب: واضح رہے کہ حج تمتع یا حج قران کرنے والا دم شکر کے طور پر جو جانور ذبح کرتا ہے، اس کا حکم عام قربانی جیسا ہے، یعنی عام قربانی کرنے والا جس طرح اپنی قربانی کا گوشت کھا سکتا ہے، اسی طرح دم شکر کے طور پر ذبح کیے جانے والے جانور کا گوشت حاجی خود کھا سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الجوھرۃ النیرۃ: (کتاب الحج، 217/1، ط: دار الکتاب دیوبند)
ویجوز الأکل من ہدی التطوع والمتعۃ والقران یعنی بالتطوع إذا بلغ محلہ، وکذا لہ أن یطعمہ الغني۔۔۔۔۔۔۔۔
ولایجوز الأکل من بقیۃ الہدایا کدماء الکفارات والنذور وہدی الإحصار والتطوع إذا لم یبلغ محلہ۔
واللہ تعالٰی اعلم بالصواب
دارالافتاء الاخلاص،کراچی
Kia, Haaji, Apni, Qurbani, ka, gosht, khaa, kha, sakta, hay, he, Haji,
Can a haji consume meat of his own sacrificial animal, eating meat of own sacrificed animal