عنوان: بارہویں کا سورج غروب ہونے کے بعد منی سے نکلنا مکروہ ہے(3783-No)

سوال: السلام علیکم، مفتی صاحب! حج کے دوران چند عورتوں نے رش کی وجہ سے بارہویں تاریخ کی رات کے وقت رمی کی، اور پھر رات میں منی سے روانہ ہوگئیں، تو اس صورت میں کیا تیرہویں تاریخ کی رمی کرنا ضروری ہوگیا تھا یا نہیں؟ کیونکہ بعض لوگوں نے کہا کہ بارہویں تاریخ کو رات میں منی سے نکلنے پر تیرہ کی رمی واجب ہوجاتی ہے۔

جواب: واضح رہے کہ ذی الحجہ کی بارھویں تاریخ کا سورج غروب ہونے کے بعد منی سے روانہ ہونا مکروہ ہے، لیکن اس سے تیرہویں تاریخ کی رمی لازم نہیں آتی، جب تک کہ صبح صادق نہ ہو جائے، اگر منی میں تیرہویں تاریخ کی صبح صادق ہوگئی، تو اب تیرہویں تاریخ کی رمی واجب ہوجائے گی، اب اگر رمی کے بغیر منی سے جائے گا، تو دم لازم آئے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:

غنیۃ الناسک: (فصل فی صفۃ رمی الجمار فی الیوم الثالث و الرابع، ص: 98، ط: ادارۃ القرآن کراتشي)
لافرق فی ذٰلک بین المکی والآفاقی والأفضل أن یقیم ویرمی فی الیوم الرابع وإن لم یقم نفر قبل غروب الشمس فإن لم ینفر حتی غربت الشمس یکرہ لہ أن ینفرحتی یرمی فی الرابع ویسقط بنفرہٖ قبل طلوع فجر الرابع ولونفر من اللیل قبل طلوعہ لاشئی علیہ فی الظاہرعن الإمام وقد أساء وعنہ أنہ لیس لہٗ أن ینفر بعد الغروب فإن نفر لزمہ دم وعلیہ الائمۃ الثلاثۃ

واللہ تعالٰی اعلم بالصواب
دارالافتاء الاخلاص،کراچی

Print Full Screen Views: 758 Mar 18, 2020
Barhween, ka, sooraj, suraj, ghuroob, ghurub, honay, hone, kay, ke, baad, mina, say, se, nikalna, makrooh, makruh, hay, 12, Leaving Mina after sunset of twelfth is Makrooh, 12th, 12, twelve zil hajj, zil-hajj

Find here answers of your daily concerns or questions about daily life according to Islam and Sharia. This category covers your asking about the category of Hajj (Pilgrimage) & Umrah

Managed by: Hamariweb.com / Islamuna.com

Copyright © Al-Ikhalsonline 2024.