سوال: السلام علیکم، مفتی صاحب! مسجد الحرام کے باہر عام طور پر چپلیں اور جوتے پڑے ہوتے ہیں، اور ان کے بارے میں معلوم نہیں ہوتا کہ ان کا مالک کون ہے، کیا اس طرح اپنی ذاتی چپل گم ہو جانے کی صورت میں وہاں پڑی کسی چپل کو پہن کر ہوٹل آجانا جائز ہے؟

جواب: صورت مسؤلہ میں جن چپلوں کے بارے میں یہ خیال ہو کہ ان کا مالک ان چپلوں کو تلاش کرے گا، تو اس کا پہننا صحیح نہیں ہے، اور جو چپلیں اس خیال سے چھوڑ دی گئی ہوں کہ ان کو کوئی بھی پہن لے، تو ان کو پہن کر ہوٹل آجانا صحیح ہے، کیونکہ ویسے بھی ان کو اٹھا کر ضائع ہی کر دیا جاتا ہے۔