سوال: السلام علیکم، مفتی صاحب! اگر کوئی شخص اپنا فرض حج کر چکا ہو، اور دوبارہ وہ حج کیلئے جائے، اور اپنے کسی مرحوم کی طرف سے حج کرنے کا ارادہ ہو، تاکہ اس کا ثواب اس کو پہنچ جائے، تو کیا اس طرح اس کا حج ادا ہو جائے گا؟ اور وہ حج مرحوم کی طرف سے شمار ہوگا یا نہیں؟

جواب: واضح رہے کہ اگر مرحوم کے ذمہ حج فرض تھا، اور یہ شخص ان کی طرف سے حج بدل کرنا چاہتا ہے، تو اس صورت میں مرحوم کی طرف سے احرام باندھنا ضروری ہے، ورنہ ان کا فرض حج ادا نہیں ہوگا، اور اگر مرحوم کے ذمہ حج فرض نہیں تھا، تو حج کا ثواب بخشنے سے ان کو حج کا ثواب مل جائے گا۔