عنوان:
حج بدل کرنے والا حج تمتع کرے تو اس پر کتنی قربانی لازم ہیں؟
(3811-No)
سوال:
السلام علیکم، مفتی صاحب! پاکستان سے جو حاجی حج کے لیے جاتے ہیں، اگر وہ حجِ بدل کرتے ہیں، اس صورت میں بھی وہ پہلے عمرہ کرتے ہیں، اس کے بعد حج کا احرام باندھتے ہیں، یعنی حج تمتع کرتے ہیں، تو ان پر کتنی قربانی کرنا لازم ہوگا؟
جواب: واضح رہے کہ اگر حج بدل کرنے والا حج تمتع کرے(یعنی پہلے صرف عمرے کا احرام باندھے، اس سے فارغ ہو کر پھر ایام حج میں حج کا علیحدہ احرام باندھے) تو ایسی صورت میں حج کی قربانی خود اس کے اپنے مال سے لازم ہوگی، آمر (جس کی طرف سے حج بدل کیا جارہا ہے) کے مال سے نہیں کی جائے گی، ہاں اگر اس نے اپنے مال سے قربانی کرنے کی اجازت دی ہو، تو اس کی مال سے بھی قربانی کرسکتے ہیں۔
نیز حج بدل کرنے والا اگر مقیم اور صاحب استطاعت ہو، تو اپنی طرف سے عام قربانی بھی کرے گا، لیکن مسافر یا استطاعت نہ ہونے پر وہ قربانی لازم نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (611/2، ط: سعید)
ودم القران والتمتع والجنایۃ علی الحاج إن اذن لہ الآمربالقران والتمتع والا فیصیر مخالفا فیضمن
واللہ تعالٰی اعلم بالصواب
دارالافتاء الاخلاص،کراچی
Hajj e Badal, Hajj, Badal, karnay, karne, wala, Tamatto, Tamattu, karay, kare, to, us, par, kitni, qurbani, lazim, laazim, hoge, ho, ge,
How many sacrificies are required if performer of Hajj e Badal carries out Hajj e Tamattu