سوال: السلام علیکم، مفتی صاحب! میں ہیئر ڈریسر کا کام کرتا ہوں، جس میں لوگ داڑھی شیو کروانے بھی آتے ہیں، اور مختلف انداز سے بال بھی کٹواتے ہیں، اب میں اس کام سے تذبذب کا شکار ہوں، کیا یہ میرے لیے جائز ہے یا نہیں؟ آپ حضرات میری رہنمائی فرمائیں کیا میں یہ پیشہ اختیار کروں؟ یا اس کام کو بالکل چھوڑ دوں؟

جواب: واضح رہے کہ حجامت (ہیئر ڈریسر) کا پیشہ بذات خود حلال ہے، البتہ داڑھی مونڈھنا حرام ہے، اور حرام کام کو اختیار کرنا کسی مسلمان کے شایان شان نہیں ہے، لہذا آپ بال کاٹنے کا کام کرتے رہیں، اور داڑھی شیو کرنے اور غیر شرعی بال بنانے سے انکار کر دیا کریں۔