سوال:
السلام علیکم، مفتی صاحب ! کیا موجودہ حالات میں زکوة کے پیسوں سے غرباء کو راشن اور دیگر ضروریات زندگی خرید کر دی جا سکتی ہیں یا نقد رقم ان کی ملکیت میں دینا ضروری ہے؟
جواب: مستحقِ زکوۃ کو نقد رقم کے علاوہ کوئی چیز مالک بنا کر دینے سے بھی زکوۃ ادا ہوجاتی ہے، لہذا مستحقِ زکوۃ شخص کو رقم کے بجائے راشن وغیرہ دینے سے بھی زکوۃ ادا ہو جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
بدائع الصنائع: (41/2، ط: سعید)
واما الذي يرجع الى المودی فمنها ان يكون مالا متقوما على الاطلاق سواء كان منصوصا عليه او لا من جنس المال الذي وجبت فيه الزكاۃ او من غير جنسه والاصل لان كل مال يجوز التصدق به تطوعا يجوز اداء الزكاۃ منہ وما لا فلا
الفتاوی الھندیۃ: (180/1)
المال الذی تجب فیہ الزکاۃ ان ادی زکاتہ من خلاف جنسہ ادی قدر قیمۃ الواجب اجماعاً
واللہ تعالٰی اعلم بالصواب
دارالافتاء الاخلاص،کراچی