سوال: السلام علیکم، مفتی صاحب ! اگر کوئی شخص چار رکعت والی نماز میں تین رکعت کے بعد چوتھی رکعت بھول جائے، تو سجدہ سہو کافی ہو گا یا دوبارہ نماز لوٹانی ہو گی؟

جواب: چار رکعت والی نماز میں تیسری رکعت کے بعد اگر آخری رکعت بھول گیا، تو جب تک نماز میں ہے، اس آخری رکعت کو یاد آجانے پر پڑھنا ضروری ہے، اس کے بعد دیکھا جائے گا کہ اس آخری رکعت کی ادائیگی میں تین مرتبہ سبحان اللہ پڑھنے کے بقدر تاخیر ہوئی ہے، تو سجدہ سہو واجب ہوگا اور اگر تین تسبیحات سے کم تاخیر ہوئی ہے، تو بغیر سجدہ سہو کے نماز درست ہو جائے گی۔
اور اگر تیسری رکعت کے بعد سلام پھیر دیا ہو، تو ایسی صورت میں چار رکعت دوبارہ ادا کرنی ہوں گیں۔