سوال: السلام علیکم، مفتی صاحب ! میری ملکیت میں ذاتی رہائشی مکان، ایک کمرشل دکان اور قسطوں پر لیے ہوئے کچھ پلاٹ ہیں، دریافت طلب امر یہ ہے کہ کیا ان پر زکوة ہے؟

جواب:
1)۔ واضح رہے کہ جو پلاٹ قسطوں پر خریدا گیا ہو، تو خریدار اس پلاٹ کا مالک بن جاتا ہے، خواہ پلاٹ پر قبضہ کرلیا ہو یا نہ کیا ہو، لہذا اگر پلاٹ تجارت کی غرض سے خریدا گیا ہے، تو اس کی موجودہ قیمت فروخت پر زکوۃ لازم ہوگی۔
2)۔ رہائشی مکان پر زکوٰۃ لازم نہیں ہے۔
3)۔ کمرشل دکان اگر فروخت کرنے کی نیت سے خریدی گئی ہے، تو اس کی موجودہ قیمت پر زکوٰۃ لازم ہے، لیکن اگر دوکان پر خود بیٹھ کر کاروبار کرنے یا کسی کو کرایہ پر دینے کا ارادہ ہو، تو اس دوکان کی قیمت پر زکوٰۃ لازم نہیں ہے۔