سوال: السلام علیكم، مفتی صاحب ! میں نے ایک شخص کے ساتھ مل کر تجارت کی نیت سے مشترکہ طور پر ایک گھر بنایا ہے، جس پر سال بھی گزر چکا ہے، مکان کی تعمیر پر اکیس لاکھ کی لاگت آئی ہے اور ہماری ڈیمانڈ تیس لاکھ کی ہے، رہنمائی فرمائیں کہ کس حساب سے زکوة دی جائے گی؟

جواب: فروخت کی نیت سے مشترکہ بنائے گئے مکان میں جس شریک کا حصہ زکوۃ کے نصاب کو پہنچ رہا ہو، تو سال پورا ہونے پر وہ اپنے حصے کی زکوۃ ادا کرے گا۔
لہذا جس دن زکوۃ ادا کرے گا، اس دن مارکیٹ میں اس مکان کی جو قیمت فروخت ہوگی، اس کے اعتبار سے زکوۃ ادا کی جائے گی۔
قیمت فروخت کا مطلب یہ ہے کہ عام طور سے مارکیٹ میں جس قیمت پر وہ مکان فروخت ہوتا ہو۔