سوال: میں ایک حکومتی ادارے میں کام کرتا ہوں، ہمارے ادارے کے اوقات صبح آٹھ بجے سے دوپہر تین بجے تک ہیں، جو لوگ دو تین گھنٹے اوور ٹائم کرتے ہیں، انہیں کچھ رقم معاوضہ کے طور پر دی جاتی ہے، اور افسر کو تصدیق کرنی ہوتی ہے کہ فلاں فلاں شخص نے اتنا وقت زیادہ کام کیا ہے، لیکن بعض لوگ جو افسر کے منظورِ نظر ہیں، افسر ان کی جھوٹی تصدیق کردیتا ہے، اور وہ لوگ اوور ٹائم دئیے بغیر معاوضہ لے لیتے ہیں، ان کے بارے میں کیا حکم ہے؟

جواب: صورتِ مسئولہ میں افسر کا جھوٹی تصدیق کرنا کہ فلاں فلاں لوگوں نے اتنا وقت اوور ٹائم میں کام کیا ہے، جائز نہیں ہے، اور جو لوگ اوور ٹائم کا معاوضہ کام کیے بغیر لے رہے ہیں، ان کے لیے یہ معاوضہ حلال نہیں ہے۔