سوال:
السلام علیکم، مفتی صاحب ! کچھ لوگ مسجدیں کھلنے پر علمائے کرام کے بارے میں نازیبا الفاظ استعمال کر رہے ہیں، ایسے لوگوں کو کیا جواب دیا جائے؟
جواب: اسلام میں مسجد کو مرکزیت حاصل ہے، اور مسجد ہماری بنیادی دینی ضروریات میں شامل ہے، جس طرح اور ضروریات زندگی کو موجودہ حالات میں بقدر ضرورت کھلنے کی اجازت دی گئی ہے، اسی طرح مساجد کو بھی احتیاطی تدابیر کے ساتھ کھولنے کی حکومت وقت نے اجازت دی ہے، یہ اعلان علماء کرام نے نہیں کیا، بلکہ صدر پاکستان نے کیا ہے۔
لہذا ایسے لوگ جو مسجد کی اہمیت سے ناواقف ہوں، بلکہ اس پر معترض ہوں ان سے بحث کرنے کی بجائے وہ اعلامیہ جو صدر پاکستان نے پڑھ کر سنایا ہے، ان کے سامنے رکھ دیا جائے۔
واللہ تعالیٰ اعلم بالصواب
دارالافتاء الاخلاص،کراچی