سوال: مفتی صاحب ! ایک خاتون کے پاس بارہ سال سے چھ تولہ سونا ہے، خاتون کی ایک نابالغ بیٹی بھی ہے جس کو تحفہ میں ایک تولہ سونا بچپن میں ملا تھا، پوچھنا یہ ہے کہ کیا اس کے پاس موجود مجموعی سات تولہ سونا پر زکوة واجب ہے؟
نوٹ:
یاد رہے کہ اس سونے کے علاوہ نہ چاندی ہے نہ مال تجارت، البتہ کچھ نہ کچھ آٹھ سے دس ہزار کی رقم (جو کبھی بھائی یا شوہر دے دیتا ہے) ہوتی ہے جو گھر میں خرچ ہوتی رہتی ہے اور مستقل جمع نہیں رہتی اور کبھی ایسا بھی ہوتا ہے کہ بالکل بھی نہیں ہوتی۔

جواب: واضح رہے کہ اس خاتون کے پاس ان بارہ سالوں میں سے جن سالوں کے آخر میں چھ تولہ سونے کے ساتھ کچھ نہ کچھ نقد رقم زائد از ضرورت موجود تھی، تو اس خاتون پر ان سالوں میں چھ تولہ سونے کی رقم سمیت زکوۃ نکالنا لازم ہے، البتہ نابالغ بیٹی کو جو ایک تولہ سونا گفٹ میں ملا ہے، تو اس پر زکوۃ لازم نہیں ہے۔