سوال:
السلام علیکم، مفتی صاحب ! جب سونا بیچنے جائیں تو سنار کھوٹ نکال کر باقی سونے کی قیمت دیتا ہے، تو کیا سونے کی زکوة بھی کھوٹ نکال کر دی جائے گی یا کھوٹ سمیت تمام سونے کی زکوة دی جائے گی؟
جواب: واضح رہے کہ سونے کے زیورات بازار میں جس قیمت پر فروخت ہوسکتے ہیں، اسی قیمت کا اعتبار کرکے زکوة نکالی جائے گی۔ عام طور پر سنار سونے سے کھوٹ الگ کرکے خالص سونے کی قیمت دیتا ہے، لہذا زکوة بھی خالص سونے کی واجب ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (178/1، ط: دار الفکر)
تجب في كل مائتي درهم خمسة دراهم، وفي كل عشرين مثقال ذهب نصف مثقال مضروبا كان أو لم يكن مصوغا أو غير مصوغ حليا كان للرجال أو للنساء تبرا كان أو سبيكة كذا في الخلاصة. ويعتبر فيهما أن يكون المؤدى قدر الواجب وزنا۔
واللہ تعالٰی اعلم بالصواب
دارالافتاء الاخلاص،کراچی