سوال:
محترم مفتیان کرام! السلام علیکم ورحمة اللہ وبرکاتہ! گذارش ہے کہ ایک ایسا شخص یا گروہ جو حیات عیسیٰ علیہ السلام اور آپ کے رفع و نزول کا انکاری ہو، قرآن کریم اور احادیث مبارکہ میں ایسے شخص یا گروہ کے بارے میں کیا حکم ہے؟ امید ہے کہ تفصیلی جواب سے مستفیض فرمائیں گے۔ جزاکم اللہ خیرا
جواب: اہلِ سنّت والجماعت کا متّفقہ اور اجماعی عقیدہ یہ ہے کہ حضرت عیسیٰ علیہ السلام زندہ آسمان پر اٹھائے گئے ہیں اور قربِ قیامت میں دوبارہ دنیا میں نازل ہوں گے۔ یہ عقیدہ قرآنِ کریم کی قطعی آیات، احادیثِ متواترہ اور اجماعِ امّت سے ثابت ہے۔ چنانچہ اللہ تعالیٰ کا ارشاد ہے: (وَمَا قَتَلُوهُ وَمَا صَلَبُوهُ وَلٰكِنْ شُبِّهَ لَهُمْ … بَلْ رَفَعَهُ اللّٰهُ إِلَيْهِ) (النساء: 157-158) یعنی یہود نہ حضرت عیسیٰ علیہ السلام کو قتل کرسکے اور نہ سولی دے سکے، بلکہ اللہ تعالیٰ نے انہیں اپنی طرف اٹھالیا۔
اسی طرح نبی کریم ﷺ سے بکثرت اور تواتر کے ساتھ یہ احادیث منقول ہیں کہ حضرت عیسیٰ علیہ السلام آخری زمانے میں نازل ہوں گے، دجّال کو قتل کریں گے اور شریعتِ محمّدیہ کے مطابق فیصلے فرمائیں گے۔ امّتِ مسلمہ کا ہر دور میں اس عقیدے پر اجماع رہا ہے، یہاں تک کہ علماء نے اسے ضروریاتِ دین میں شمار کیا ہے۔ لہٰذا جو شخص یا گروہ حضرت عیسیٰ علیہ السلام کی حیات، رفع اور نزول کا قطعی طور پر انکار کرے، جبکہ یہ عقیدہ اس تک واضح دلائل کے ساتھ پہنچ چکا ہو تو ایسا انکار قرآنِ کریم، احادیثِ متواترہ اور اجماعِ امّت کے انکار کے مترادف ہونے کی وجہ سے ایسا شخص مسلمان نہیں ہے گو کہ وہ کلمہ گو ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الدلائل:
*القرآن المجید :(النساء: 157-158)*
(وَمَا قَتَلُوهُ وَمَا صَلَبُوهُ وَلٰكِنْ شُبِّهَ لَهُمْ … بَلْ رَفَعَهُ اللّٰهُ إِلَيْهِ)
*صحيح البخاري (3/ 82،دار طوق النجاة)*
عن ابن المسيب أنه سمع أبا هريرة رضي الله عنه، يقول: قال رسول الله صلى الله عليه وسلم: «والذي نفسي بيده، ليوشكن أن ينزل فيكم ابن مريم حكما مقسطا، فيكسر الصليب، ويقتل الخنزير، ويضع الجزية، ويفيض المال حتى لا يقبله أحد»
*مسند البزار = البحر الزخار (14/ 385 ،مكتبة العلوم والحكم)*
عن أبي هريرة، قال: قال رسول الله صلى الله عليه وسلم: يوشك أن ينزل عيسى بن مريم حكما عدلا وإماما مقسطا فيقتل الخنزير ويكسر الصليب وتكون الدعوة واحدة.
راجع لمزید التفصیل ’’فتح الباری‘‘ ص ۳۵۷ ج۶،’’ عمدۃ القاری‘‘ ص ۴۵۲ ج۷، ’’ارشاد الساری ‘‘ ص ۴۱۶ ج۵، ’’ مرقاۃ‘‘ص ۲۲۱ ج۵، ’’ تفسیر در منثور ‘‘ ص ۲۴۱ ج۲،’’ تفسیر کبیر ‘‘ ص ۳۴۱ ج۳ ،’’ تفسیر ابی ا لسعود‘‘ ص ۴۸ ج۳ ۔’’ فتوحات الٰہیہ ‘‘ ص ۵۳۵ ج۱، وغیرہ
*شرح الطحاوية - ط الأوقاف السعودية (ص: 292)*
قوله: (ونسمي أهل قبلتنا مسلمين مؤمنين، ما داموا بما جاء به النبي صلى الله عليه وسلم معترفين، وله بكل ما قاله وأخبر مصدقي.....والمراد بقوله: "أهل قبلتنا"، من يدعي الإسلام ويستقبل الكعبة، وإن كان من أهل الأهواء، أو من أهل المعاصي، ما لم يكذب بشيء مما جاء به الرسول صلى الله عليه وسلم.
*إكفار الملحدين في ضروريات الدين (ص: 64المجلس العلمي - باكستان)*
وصح الإجماع على أن كل جحد شيئاً صح عندنا بالاجماع أن رسول الله - صلى الله عليه وسلم - أتى به فقد كفر.
والله تعالیٰ اعلم باالصواب
دار الافتاء الاخلاص کراچی