عنوان:
عورت کا کمانے کے لیے باہر نکلنا(428-No)
سوال:
کیا فرماتے ہیں مفتیان کرام اس مسئلے کے بارے میں کہ میرا ایک دوست ہے، اس کی بیوی کسی کمپنی میں کام کرتی ہے اور اس کمپنی میں مرد اور عورتیں ایک ساتھ ہوتے ہیں۔ کیا اس طرح کام کرنا جائز ہے کہ مرد اور عورتیں ایک ساتھ کام کریں۔ برائے مہربانی قرآن و حدیث کی روشنی میں اس مسئلے کا حل بتائیں۔
جواب: واضح ہو کہ دینِ اسلام نے کماکر کھلانے کی ذمہ داری مرد پر ڈالی ہے اور عورت کے لیے بلاضرورت گھر سے باہر نکلنے کو منع کیا ہے، البتہ اگر شوہر کی کمائی سے گھر کا خرچہ پورا نہ ہوتا ہو اور کوئی کفیل یا ذریعہ معاش نہ ہو تو ایسی صورت میں معاشی ضروریات پوری کرنے کے لیے عورت کو گھر سے باہر نکلنے کی چند شرائط کے ساتھ اجازت ہے۔ (۱) شوہر کی اجازت ہو (۲) پردہ کا مکمل اہتمام ہو (۳) مردوں عورتوں میں اختلاط نہ ہو، لہٰذا جس کمپنی میں پردہ کا اہتمام نہ ہو اور مرد و عورت مل جل کر کام کرتے ہوں تو ایسی کمپنی میں عورتوں کو کام کرنا جائز نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (النساء: الآیۃ: 34)
الرِّجَالُ قَوَّامُوْنَ عَلٰی النِّسَآءِ بِمَا فَضَّلَ اللّٰہُ بَعْضَہُمْ عَلٰی بَعْضٍ وَّبِمَآ اَنْفَقُوْا مِنْ اَمْوَالِہِمْ۔۔۔۔الخ
و قولہ تعالی: (الأحزاب، الآیۃ: 33)
وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى۔۔۔۔الخ
و قولہ تعالی: (الأحزاب، الآیۃ: 53)
(وإذا سألتموهن متاعاً فاسألوهن من وراء حجاب ذلكم أطهر لقلوبكم وقلوبهن۔۔۔۔الخ
عمدۃ القاری: (217/20، ط: دار احیاء التراث العربی)
عن عائشة. قالت: خرجت سودة بنت زمعة ليلا فرآها عمر فعرفها. فقال: إنك والله يا سودة ما تخفين علينا فرجععت إلى النبي صلى الله عليه وسلم فذكرت ذلك له وهو في حجرتي يتعشى، وإن في يده لغرقا فأنزل الله عليه فرفع عنه وهو يقول: قد أذن الله لكن أن تخرجن لحوائجكن۔۔۔۔۔۔۔۔۔۔۔۔وقال ابن بطال: في هذا الحديث دليل على أن النساء يخرجن لكل ما أبيح لهن الخروج فيه من زيارة الآباء والأمهات وذوي المحارم وغير ذلك مما تمس الحاجة إليه
رد المحتار: (146/3، ط: دار الفکر)
ليس لها أن تخرج بلا إذنه
کذا فی فتاویٰ بنوری تاؤن: رقم الفتوی: 143909201741
واللہ تعالٰی اعلم بالصواب
دارالافتاء الاخلاص،کراچی
Aurat ka kamanay kay liey bahar nikalna, kamane, Aurat ki kamai, Aurat ka naukri kay liey ghar say nikalna, Aurat ka ghar say bahar kaam kay liey jaana, kia aurat kamanay k liey bahar nikal sakti hay, aurat kama sakti hay, aurat nokri kar sakti hay, naukri, Aorat Ka Ghar Sy Nikalna, Aurat ka job karna in Islam,
Woman coming out for Jobs, Woman at work, woman out on work, earning of women, earning of woman, womens earning, Can a woman leave the house to earn bread and butter, Woman going out for jobs, can a woman do job while observing pardah/ veil