سوال:
مفتی صاحب! کیا زکوۃ ادا کرنے والا جس کو زکوۃ دے رہا ہے، اس کو اس بات پر پابند کر سکتا ہے کہ اس زکوۃ کے پیسوں کو فلاں کام میں لگانا؟
جواب:
واضح رہے کہ زکوۃ کی ادائیگی کے لیے مستحقِ زکوۃ کو زکوۃ کی رقم کا مالک بنانا ضروری ہے ، لہذا صورت مسئولہ میں مستحق کو اس رقم کا مالک بنادیا جائے، تاکہ مالک بن کر وہ اپنی مرضی سے جو چاہے، تصرف کر سکے، خاص مصرف میں خرچ کرنے کا پابند کرنا درست نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (345/2، ط: دار الفکر)
لأن الحيلة أن يتصدق على الفقير ثم يأمره بفعل هذه الأشياء وهل له أن يخالف أمره؟ لم أره والظاهر نعم
(قوله: والظاهر نعم) البحث لصاحب النهر وقال؛ لأنه مقتضى صحة التمليك قال الرحمتي: والظاهر أنه لا شبهة فيه؛ لأن ملكه إياه عن زكاة ماله وشرط عليه شرطا فاسدا والهبة والصدقة لا يفسدان بالشرط الفاسد.
واللہ تعالٰی اعلم بالصواب
دارالافتاء الاخلاص،کراچی