سوال: السلام علیکم، مفتی صاحب! پرائز بانڈ کے متعلق شرعاً زکوۃ کا کیا حکم ہے؟

جواب: پرائز بانڈ کی اصل قیمت یعنی قیمتِ خرید پر زکوۃ واجب ہے، قرعہ اندازی میں نام نکلنے کی صورت میں جو زائد رقم ملتی ہے، وہ لینا جائز نہیں ہے، اگر کسی نے وہ رقم لے لی تو اس پر زکوۃ واجب نہیں، بلکہ اس رقم کو جہاں سے لیا ہے، اگر وہاں واپس کرنا ممکن ہو، تو وہاں واپس کردینا ضروری ہے اور اگر واپس کرنا ناممکن ہو، تو منافع کی تمام رقم کو ثواب کی نیت کے بغیر فقیروں پر صدقہ کرنا لازم ہے۔