سوال:
السلام علیکم، مفتی صاحب! کیا زکوۃ کی رقم سے کسی پسماندہ علاقے میں کنواں یا بورنگ کروائی جائے، تو کیا اس طرح زکوۃ ادا ہوجائے گی یا نہیں؟
جواب: بورنگ اور کنوئیں کی کھدائی میں تملیک نہ پائے جانے کی وجہ سے زکوۃ کی رقم لگانا جائز نہیں ہے، اگر کسی نے زکوۃ کی رقم لگادی تو زکوۃ ادا نہیں ہوگی، اتنی زکوۃ دوبارہ ادا کرنا لازم ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (باب المصرف، 189/1، ط: رشیدیة)
ولا یجوز ان یبنی بالزکاۃ المسجد وکذا القناطر والسقایات واصلاح الطرقات وکری الانھار والحج والجھاد وکل مالا تملیک فیہ ولا یجوز ان یکفن بھا میت ولا یقضی بھا دین المیت کذا فی التبیین۔
واللہ تعالٰی اعلم بالصواب
دارالافتاء الاخلاص،کراچی