سوال: السلام علیکم، مفتی صاحب! جنرل پراویڈنٹ فنڈ کے متعلق کیا حکم ہے؟ کیا اس پر زکوۃ واجب ہے؟

جواب: اگر جنرل پراویڈنٹ فنڈ کی کٹوتی جبری ہے، تو جب تک فنڈ کی رقم ملازم کو وصول نہ ہوجائے، اس وقت تک اس پر زکوۃ واجب نہیں ہوگی اور رقم وصول ہونے کے بعد بھی گزشتہ سالوں کی زکوۃ واجب نہیں ہوگی، ایسی رقم پر زکوۃ کا وجوب اس وقت سے شروع ہوتا ہے، جس وقت سے وہ رقم وصول ہوئی ہے، البتہ جو جی پی فنڈ جبری نہ ہو، بلکہ ملازم نے اپنے اختیار سے اس کے لیے رقم کٹوائی ہو، تو اس معاملے میں احتیاط اسی میں ہے کہ رقم وصول ہونے پر گزشتہ سالوں کی بھی زکوۃ ادا کردی جائے۔