سوال:
السلام علیکم، مفتی صاحب ! زکوة دینے کے بعد پتا چلے کہ جس کو زکوة دی تھی وہ نشہ کرتا ہے، تو کیا زکوة ادا ہو گئی؟
جواب: واضح رہے کہ نشہ کرنے والا شخص اگر مستحق زکوة ہو تو اسے زکوة دی جاسکتی ہے، تاہم اگر یہ اندیشہ ہو کہ وہ زکوة کی رقم کو بھی نشہ کرنے میں خرچ کرے گا، تو اسے ضرورت کی اشیاء (مثلا راشن وغیرہ) خرید کر بطور ملکیت دینے سے بھی زکوة ادا ہوجائےگی۔
مذکورہ صورت میں جب آپ نے اس کے مستحق زکوة ہونے کا اطمینان کرلینے کے بعد اسے زکوة دیدی تھی، تو آپ کی زکوة ادا ہوگئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (284/3، ط: زکریا)
مصرف الزکاة والعشر․․․ ہو فقیر وہو من لہ أدنی شيء أي دون نصاب أو قدر نصاب غیر تام مستغرق في الحاجة
الھدایة: (207/1)
وھذا إذا تحری ودفع وفي أکبر رأیہ أنہ مصرف، أما إذا شک ولم یتحري أو تحری فدفع وفي أکبر رأیہ أنہ لیس بمصرف لا یجزیہ إلا إذا علم أنہ فقیر ہو الصحیح۔
واللہ تعالٰی اعلم بالصواب
دارالافتاء الاخلاص،کراچی