سوال: مفتی صاحب ! اگر مجھے سکھر جانا ہو تو ٹول پلازہ ہائی وے سے نکلتے ہی قصر نماز پڑھنی ہو گی یا اٹھتر کلو میٹر پورے ہونے پر قصر نماز پڑھنی ہو گی؟
نوٹ:
یہ بات پیش نظر رہے کہ ٹول پلازہ میرے گھر سے صرف بیس کلو میٹر کے فاصلہ پر ہے۔

جواب: اگر کوئی شخص 48 میل (77.24 سوا ستتر کلو میٹر) کی مسافت تک سفر کے ارادے سے نکلا ہو تو ایسا شخص اپنے شہر کی آبادی اور حدود ختم ہونے کے بعد یعنی اپنے شہر سے نکلتے ہی قصر نماز ادا کرے گا، لہذا صورتِ مسئولہ میں کراچی کی حدود سے نکلتے ہی قصر نماز شروع کرے گا، اگرچہ صرف بیس کلو میٹر ہی سفر طے ہوا ہو۔
اسی طرح سفر سے واپسی پر اپنے شہر کی حدود میں داخل ھونے سے پہلے تک قصر نماز پڑھے گا۔