سوال:
مفتی صاحب! کیا خواتین گھر کی چھت پر نماز پڑھ سکتی ہیں؟
جواب: واضح رہے کہ اگر چھت ایسی ہو, جس میں کسی قسم کی بے پردگی کا احتمال نہ ہو، تو خواتین کا چھت پر نماز پڑھنا جائز ہے، لیکن عورت کے لئے بہرحال افضل یہی ہے کہ گھر کے اندر نماز پڑھی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (باب الجماعۃ و فضلھا، 96/1)
عن ابن مسعود رضی اللّٰہ عنہ قال:قال رسول اللّٰہ صلی اللّٰہ علیہ وسلم: صلوة المرأة فی بیتہا افضل من صلاتہا فی حجرتہا وصلاتہا فی مخدعہا افضل من صلوتہا فی بیتہا۔” رواہ ابو داؤد
واللہ تعالٰی اعلم بالصواب
دارالافتاء الاخلاص،کراچی