سوال: مفتی صاحب! اگر کوئی شخص مغرب کی نماز میں امام کے ساتھ تیسری رکعت میں شامل ہوا، تو وہ امام کے نماز سے فارغ ہونے کے بعد اپنی بقیہ دو رکعت کس طرح پوری کرے گا؟

جواب: صورت مسئولہ میں امام کے سلام پھیرنے کے بعد جب مسبوق اپنی نماز پوری کرنے کے لیے کھڑا ہو، تو اس رکعت میں ثنا، سورۃ فاتحہ اور کوئی سورت پڑھے، پھر رکوع سجدے سے فارغ ہوکر قعدہ میں بیٹھ جائے، اور صرف تشہد پڑھ کر کھڑا ہو جائے، اگلی رکعت میں سورۃ فاتحہ کے ساتھ کوئی سورت ملا کر پڑھے، اور رکوع، سجدے سے فارغ ہوکر آخری قعدہ میں بیٹھے، اس میں تشہد، درود شریف اور دعا پڑھ کر سلام پھیر دے۔