سوال:
مفتی صاحب! میرا ایک دوست نماز پڑھتے ہوئے سجدہ کی حالت میں اردو میں دعائیں مانگتا ہے، کیا نماز میں اردو زبان میں دعائیں مانگنا درست ہے؟
جواب: واضح رہے کہ نماز کے اندر اردو زبان میں دعا مانگنے سے نماز فاسد ہوجاتی ہے، لہذا نماز میں اردو زبان میں دعائیں مانگنا جائز نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح مسلم: (رقم الحدیث: 537، 302/1، ط: بیت الافکار)
أخرج المسلم عن معاویۃ بن الحکم السلمي في حدیث طویل- ثم قال: إن ہذہ الصلاۃ لا یصلح فیہا شیئ من کلام الناس إنما ہو التسبیح والتکبیر وقراء ۃ القرآن الحدیث۔
النھر الفائق: (باب ما یفسد الصلاۃ، 266/1، ط: زکریا)
یفسد الصلاۃ مطلقًا التکلم: أي النطق بالحروف سمي کلامًا أولا۔
واللہ تعالٰی اعلم بالصواب
دارالافتاء الاخلاص،کراچی