عنوان:
میت کو دفنانے کے بعد بلند آواز سے قراءت کرنے اور دعا کروانے کا حکم(455-No)
سوال:
موجودہ دور کے اندر قبرستان کے اندر میت کو دفنانے کے بعد اس کی قبر پر بلند آواز سے قراءت کرنا کیسا ہے؟ اور پھر قراءت کے بعد ہاتھ اٹھاکر دعا کروائی جاتی ہے، اس کے بارے میں آپ حضرات کی کیا رائے ہے؟
جواب: احادیث میں تدفین کے بعد میت کی مغفرت کے لیے دعا کرنے کا حکم آیا ہے، اسی طرح سورہ بقرۃ اول (الم تا مفلحون) قبر کے سرہانے اور اٰخر (آمن الرسول تا اخیر سورت) قبر کے پاوں کی طرف پڑھنا بھی مستحب ہے، البتہ دعا کرتے وقت سب کے چہرے قبلہ کی طرف ہوں، تاکہ غیراللہ سے مانگنے کی مشابہت لازم نہ آئے۔
فتاویٰ محمودیہ میں ہے: سورۃ بقرۃ کا اول و آخر پڑھنا حدیث سے ثابت ہے، میت کو دفن کرنے کے بعد کچھ دیر ٹھہرنا، ذکر و تسبیح میں مشغول رہنا اور دعا کرنے میں مضائقہ نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکاۃ المصابیح: (538/1، ط: المکتب الاسلامی)
عن عبد الله بن عمر قال: سمعت النبي صلى الله عليه وسلم يقول: «إذا مات أحدكم فلا تحبسوه وأسرعوا به إلى قبره وليقرأ عند رأسه فاتحة البقرة وعند رجليه بخاتمة البقرة» . رواه البيهقي في شعب الإيمان.
رد المحتار: (237/2، ط: دار الفکر)
وكان ابن عمر يستحب أن يقرأ على القبر بعد الدفن أول سورة البقرة وخاتمتها.
مرقاۃ المفاتیح: (1222/3، ط: دار الفکر)
عن ابن مسعود قال: والله فكأني أرى رسول الله صلى الله عليه وسلم في غزوة تبوك وهو في قبر عبد الله ذي البجادين، وأبو بكر وعمر، يقول: أدنيا مني أخاكما، وأخذه من قبل القبلة، حتى أسنده في لحده، ثم خرج رسول صلى الله عليه وسلم وولاهما العمل، فلما فرغ من دفنه استقبل القبلة رافعا يديه يقول: «اللهم إني أمسيت عنه راضيا فارض عنه»
واللہ تعالٰی اعلم بالصواب
دارالافتاء الاخلاص،کراچی
Mayyat ko dafnane kay baad buland aawaz say qirat karnay aur dua karwanay ka hukm, ke, karne, karwane, Maiyat, Mayyat ko dafnane kay baad kaunsi dua, kounsi dua,
Ruling on reciting loudly and making prayer after burial of dead body, Reciting in a high / loud voice after burial, dead body, putting to grave, islamic graveyard rules, dua for those who have been buried