سوال: میرا سوال یہ ہے کہ میت کو سفید رنگ کا کفن دینا ضروری ہے یا کسی اور رنگ کا بھی کفن دیا جا سکتا ہے؟

جواب: میت کو سفید کپڑے میں کفن دینا افضل ہے، البتہ اس کے علاوہ کسی اور رنگ کا کفن دینا بھی جائز ہے، فقہاء نے اس سلسلہ میں جو اصول لکھا ہے، وہ یہ ہے کہ زندگی میں جس رنگ اور کپڑے کو پہننا جائز ہے، موت کے بعد اس میں کفن دینا بھی جائز ہے، اور زندگی میں جس کپڑے کو پہننا ناجائز ہے، مرنے کے بعد اس میں کفن دینا بھی ناجائز ہے۔