سوال:
السلام علیکم، مفتی صاحب! اگر کوئی شخص سونا پہن لے، اور اسے پہنے ہوئے ہی نماز پڑھے تو کیا اس کی نماز ہو جائے گی یا نہیں؟
جواب: واضح رہے کہ سونا پہننا مرد کے لیے حرام ہے، لیکن اگر سونا پہن کر نماز پڑھ لی تو نماز کا فرض ادا ہو جائے گا، البتہ فعل حرام کے ارتکاب کی وجہ سے گناہگار ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (ص: 378)
عن علی ابن ابی طالب یقول: ان نبی اللّٰہ صلی اﷲعلیہ وسلم اخذ حریرا فجعلہ فی یمینہ واخذ ذھبافجعلہ فی شمالہ ثم قال: ان ھذین حرام علی ذکور امتی۔ رواہ احمد
واللہ تعالٰی اعلم بالصواب
دارالافتاء الاخلاص،کراچی