سوال:
مفتی صاحب ! كيا سجدہ میں درود شریف پڑھ سکتے ہیں؟
جواب: واضح رہے کہ سجدہ میں "سبحان ربی الاعلی" پڑھنا سنت ہے، اس کے علاوہ درود شریف وغیرہ پڑھنا خلاف سنت ہے، لیکن اگر کسی نے سجدہ میں درود شریف پڑھ لیا تو بغیر سجدہ سہو کے نماز ہو جائے گی، اگر سجدہ میں درود شریف پڑھنے کے بعد سجدہ کی تسبیح یاد آجائے تو سجدہ کی تسبیح پڑھ لے، تاکہ نماز سنت کے مطابق ادا ہو جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
غنیة المستملي: (باب سجود السھو، 455/1، ط: اشرفیة دیوبند)
أنہ لایجب إلا بترک الواجب من واجبات الصلاۃ، فلایجب بترک السنن والمستحبات کالتعوذ…ولابترک الفرائض، لأن ترکہا لاینجبر بسجود السہو؛ بل ہو مفسد إن لم یتدارک فیعاد۔
واللہ تعالٰی اعلم بالصواب
دارالافتاء الاخلاص،کراچی