سوال:
مفتی صاحب! آپ سے سوال یہ پوچھنا تھا کہ جو نمازیں حالتِ قیام میں میری قضا ہوئیں ہیں، وہ قضا نمازیں سفر کی حالت میں مکمل ادا کی جائیں گی، یا قصر کے ساتھ ادا کی جائیں گی؟
جواب: واضح رہے کہ جو فرض نمازیں حالتِ قیام میں قضا ہوں، ان کو سفر کی حالت میں مکمل ادا کیا جائے گا، اور جو نمازیں حالتِ سفر میں قضا ہوں، ان کو قیام کی حالت میں قصر کے ساتھ ادا کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (135/2، ط: دار الفکر)
(قوله سفرا وحضرا) أي فلو فاتته صلاة السفر وقضاها في الحضر يقضيها مقصورة كما لو أداها وكذا فائتة الحضر تقضى في السفر تامة.
واللہ تعالٰی اعلم بالصواب
دارالافتاء الاخلاص،کراچی