سوال: کیا فرماتے ہیں مفتیان کرام اس مسئلے کے بارے میں کہ فرض روزے اگر سفر یا بیماری کی وجہ سے چھوٹ جائیں، تو روزوں کی قضا کا حکم قرآن کریم سے ثابت ہے، تو کیا نمازوں کی قضا کا حکم بھی قرآن کی کسی آیت سے ثابت ہے؟

جواب: واضح رہے کہ فرض نمازیں اگر قضا ہو جائیں، تو ان کی قضا کرنے کا حکم قرآن کریم کی کسی صریح آیت سے ثابت نہیں ہے، البتہ فقہاء کرام نے فوت شدہ نمازوں کی قضا پڑھنے کو درج ذیل حدیث شریف کی رو سے واجب قرار دیا ہے کہ حضور صلی اللہ علیہ وسلم نے ارشاد فرمایا: "جب تم میں سے کوئی شخص نماز سے سوجائے یا نماز پڑھنا بھول جائے، تو جس وقت یاد آئے نماز پڑھ لے"۔