سوال:
سوال یہ ہے کہ میں اپنے ایک استاد کے بارے میں سنا ہے کہ وہ روزانہ مغرب کی نماز کے بعد صلوٰۃ التسبیح پڑھا کرتے تھے، کیا صلوۃ التسبیح کا وقت متعین ہے، یا کبھی بھی پڑھی جاسکتی ہے؟
جواب: صلوۃ التسبیح کی نماز کے لیے کوئی وقت متعین نہیں ہے، مکروہ اوقات کے علاوہ دن اور رات میں جب چاہے پڑھی جاسکتی ہے، اگر ہوسکے تو روزانہ صلوۃ التسبیح پڑھ لی جائے، یا ہر جمعہ کو ایک مرتبہ، یا ہر مہینے میں ایک مرتبہ، یا ہر سال میں ایک مرتبہ، یا کم سے کم زندگی میں ایک مرتبہ پڑھ لی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (27/2، ط: دار الفکر)
(قوله وأربع صلاة التسبيح إلخ) يفعلها في كل وقت لا كراهة فيه، أو في كل يوم أو ليلة مرة، وإلا ففي كل أسبوع أو جمعة أو شهر أو العمر۔
واللہ تعالٰی اعلم بالصواب
دارالافتاء الاخلاص،کراچی