سوال: مفتی صاحب ! میں سرکاری ملازم اور مقروض ہوں، میں قرض کی ادائیگی کے لیے اپنے ڈپارٹمنٹ سے ایڈوانس میں تنخواہ لینا چاہتا ہوں، تاکہ میرا قرضہ ختم ہو جائے، کیا ادارہ سے قرض لینا حلال ہے یا حرام؟

جواب: واضح رہے کہ اگر آپ کے محکمے والے ایڈوانس تنخواہ دینے کے بعد ملازم سے زائد رقم نہ لیتے ہوں، تو ان سے ایڈوانس تنخواہ لینا جائز ہے، اور اگر واپسی میں زائد رقم کا مطالبہ کرتے ہوں، تو سود ہونے کی وجہ سے ان سے ایڈوانس تنخواہ لینا جائز نہیں ہوگا۔