سوال: سوال یہ ہے کہ میں لوگوں کے جانور پالنے کا کام کرتا ہوں، ان جانوروں کا چارہ اور دیکھ بھال سب میرے ذمہ لازم ہوتی ہے، بعض دفعہ لوگ اپنی گائیں اور بھینسیں مجھے دے کر کہتے ہیں کہ ان جانوروں کو پالو، ان جانور کے جب بچے پیدا ہوں گے، تو آدھے بچے خود رکھیں گے، اور آدھے مجھے دیں گے، کیا یہ معاملہ شرعاً جائز ہے؟

جواب: واضح رہے کہ کسی کو اپنے جانور پالنے کے لئے دے کر یہ کہنا کہ ان جانوروں سے جو بچے پیدا ہوں گے، ان میں سے آدھے آپ کو دئیے جائیں گے، یہ معاملہ شرعاً جائز نہیں ہے، بلکہ جانور اور ان کے بچے مالک کی ملکیت ہوں گے، اور پالنے والے کو جانوروں کے چارے اور پرورش کرنے کی مناسب اجرت دی جائے گی۔