سوال:
میں نے ایک مرتبہ امام صاحب سے درسِ حدیث میں سنا کہ رات کا جب دو تہائی حصہ گزر جاتا ہے تو اللہ تعالی آسمانِ دنیا پر نزول فرماتے ہیں، اور اس وقت میں جو دعا مانگی جائے، قبول ہوتی ہے، سوال یہ ہے کہ کیسے معلوم ہو کہ رات کا آخری تہائی حصہ کون سا ہے؟
جواب: واضح رہے کہ رات کا تہائی حصہ معلوم کرنے کا آسان طریقہ یہ ہے کہ غروبِ آفتاب سے صبح صادق تک کے وقت کو تین حصوں میں تقسیم کرلیا جائے تو اس دورانیہ کا آخری حصہ رات کا تہائی حصہ کہلائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (باب التحریض علی قیام اللیل، الفصل الاول، ص: 109)
وَعَنْ أَبِي هُرَيْرَةَ رَضِيَ اللَّهُ عَنْهُ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «يَنْزِلُ رَبُّنَا تَبَارَكَ وَتَعَالَى كُلَّ لَيْلَةٍ إِلَى السَّمَاءِ الدُّنْيَا حِينَ يَبْقَى ثُلُثُ اللَّيْلِ الْآخِرُ، يَقُولُ: مَنْ يَدْعُونِي فَأَسْتَجِيبَ لَهُ؟ مَنْ يَسْأَلُنِي فَأُعْطِيَهُ؟ مَنْ يَسْتَغْفِرُنِي فَأَغْفِرَ لَهُ» : ". مُتَّفَقٌ عَلَيْهِ. وَفِي رِوَايَةٍ لِمُسْلِمٍ: " «ثُمَّ يَبْسُطُ يَدَيْهِ وَيَقُولُ مَنْ يُقْرِضُ غَيْرَ عَدُومٍ وَلَا ظَلُومٍ؟ حَتَّى يَنْفَجِرَ الْفَجْرُ» "۔
واللہ تعالٰی اعلم بالصواب
دارالافتاء الاخلاص،کراچی