سوال: ہم ایک سوسائٹی میں رہتے ہیں، یہاں تقریباً سو افراد اپنے گھر والوں کے ساتھ رہتے ہیں، ہم نے پانی کی سپلائی، چوکیداری کے نظام، اور صفائی وغیرہ کے اخراجات کی مد میں ہر گھر والے پر ماہانہ ہزار روپے مقرر کر رکھے ہیں، لیکن بعض افراد سہولیات سے فائدہ اٹھانے کے باوجود مشترکہ اخراجات کی رقم ادا نہیں کرتے ہیں، ان کے بارے میں شریعت کا کیا حکم ہے؟

جواب: واضح رہے کہ جب تمام لوگ اجتماعی سہولیات استعمال کرتے ہیں، تو اخراجات بھی تمام لوگوں کے ذمہ واجب ہوں گے، ان میں سے جو لوگ سہولیات استعمال کرنے کے باوجود مشترکہ اخراجات ادا نہیں کر رہے ہیں تو گویا وہ دوسروں کا مال ناحق کھا رہے ہیں جو کہ جائز نہیں ہے، لہذا ان لوگوں کے ذمہ لازم ہے کہ مشترکہ اخراجات کی مد میں مقرر کردہ رقم ادا کریں، ورنہ آخرت میں سخت عذاب اور پکڑ کا اندیشہ ہے۔