سوال:
مفتی صاحب ! اگر کسی کو کاروبار کے لیے کچھ رقم دی ہو اور وہ شخص ابھی تک کوئی کاروبار شروع نہ کر سکا ہو، تو کیا اس رقم کی زکوۃ ادا کرنی ہوگی؟
جواب: واضح رہے کہ اگر کسی نے قرض کے طور پر یا کاروبار میں شراکت یا مضاربت کے طور پر کسی کو کوئی رقم دی ہو، اگرچہ وہ رقم کاروبار میں استعمال نہ ہوئی ہو، پھر بھی دونوں صورتوں میں اس رقم پر زکوٰۃ واجب ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
السنن الکبري للبیہقی: (باب زکاۃ الدین، رقم الحدیث: 7717، 69/6، ط: دار الفکر)
"عن ابن عمر قال: زکوا ماکان فی ایدیکم ، فما کان من دین ثقۃ فزکوہ ، وماکان من دین ظنون فلا زکاۃ فیہ حتی یقضیہ صاحبہ".
رد المحتار: (38/2)
"(قولہ عند الامام) وعندہم الدیون کلہا سواء تجب زکاتہا ویؤدی متیٰ قبض شیئاً قلیلا او کثیرا".
واللہ تعالٰی اعلم بالصواب
دارالافتاء الاخلاص،کراچی