سوال: السلام علیکم ،
مفتی صاحب ! منت ماننے کی کیا شرعی حیثیت ہے؟ تفصیل سے بیان کریں۔
کسی نے منت مانی کہ اگر اسکا بیمار بیٹا صحت یاب ہو جائیگا تو وہ محرم کے مہینے میں 12 پیالیاں کھیر کی اللہ واسطے کھلائینگی، منت پوری نہیں کی تھی کہ اسکے بعد وہ بچہ ٹھیک ہو گیا اور ابھی اس بچے کا انتقال ہو گیا۔
تو سوال یہ ہے کہ
1 ) کیا ایسی منت مانناجائز ہے؟
2 ) اب تک اس نے یہ منت پوری نہیں کی تو کیا اب وہ آئندہ محرم میں یہ 12 پیالیاں کھیر کی منت پوری کرنی پڑے گی؟
3 ) ہم نےکوئی منت مانی اور وہ اس حساب سے نہیں ہوا تو کیا تب بھی پوری کرنی ضروری ہے ؟
برائے مہربانی مکمل تسلّی بخش جواب فرمائیں

جواب: آپ نے بچے کی صحتیابی کی منت مانی تھی اور وہ صحتیاب ہوگیا تھا، لہذا آپ پر اپنی مانی ہوئی منت کو پورا کرنا واجب ہے۔
البتہ محرم ہی کے مہینہ میں کھیر ہی کھلانا ضروری نہیں، بلکہ کسی بھی مہینے میں کھیر کھلانے یا کھیر کھلانے جتنی رقم مستحق افراد کو دینے سے بھی آپ کی منت پوری ہو جائے گی۔