سوال: حضرت ابن عمر رضی اللہ عنہ سے مروی ہے کہ نبی کریم ﷺ نے ارشاد فرمایا:جس کسی نے جان بوجھ کر عصر کی نماز ضائع کی تو گویا اس نے اپنے سب اہل و عیال اور جائیداد کو ضائع کردیا۔ (صحیح البخاری: ج، 1، کتاب نمبر، 10، حدیث نمبر، 527) کیا مندرجہ بالا حدیث مستند ہے؟

جواب: عَنْ عَبْدِ اللَّهِ بْنِ عُمَرَ ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ : الَّذِي تَفُوتُهُ صَلَاةُ الْعَصْرِ كَأَنَّمَا وُتِرَ أَهْلَهُ وَمَالَهُ۔
(بخاری، حدیث نمبر: 552)
ترجمہ:
حضرت عبداللہ بن عمر رضی اللہ عنہ سے روایت ہےکہ جناب رسول اللہ صلی اللہ علیہ وسلم نے فرمایا، جس کی نماز عصر چھوٹ گئی گویا اس کا گھر اور مال سب لٹ گیا۔
مذکورہ بالا روایت بخاری شریف ، صحيح مسلم، جامع الترمذي، سنن أبي داؤد، سنن النسائى ، سنن ابن ماجہ اور موطا امام مالك اور حدیث کی دیگر کتب  میں موجود ہے اور سند کے اعتبار سے صحیح ہے۔