سوال: السلام علیکم، مفتی صاحب! اگر کوئی شخص رمضان کے آخری عشرے میں اعتکاف کے لئے کسی ایسی مسجد میں بیٹھے کہ جہاں جمعہ کی نماز نہیں ہوتی ہو، تو اگر وہ جمعے کے دن جامع مسجد جمعہ ادا کرنے کے لیے جائے، تو اس کے لیے وہاں کتنی دیر پہلے تک جانا جائز ہے؟ اور وہاں کب تک ٹھہر سکتا ہے؟

جواب: معتکف کی مسجد میں اگر جمعہ کی نماز نہیں ہوتی ہے، تو اس کو جامع مسجد اتنی دیر پہلے جانا چاہیے کہ خطبہ شروع ہونے سے پہلے وہاں دورکعت نفل تحیۃالمسجد اور چار رکعت سنت اطمینان سے پڑھ لے، اس کا اندازہ گھڑی دیکھ کر کر سکتا ہے، پھر جمعہ کے فرضوں کے بعد چھ رکعت سنتیں اور نفل پڑھ کر اپنی اعتکاف والی مسجد میں آ جانا چاہیے۔