سوال:
مفتی صاحب ! بینک الحبیب میں جمع شدہ رقم پر جو منافع ملتا ہے، وہ جائز ہے یا نہیں؟
جواب: واضح رہے کہ اگر بینک الحبیب کی اسلامی برانچ (Islamic branch) مستند علماء کرام کی زیرِ نگرانی میں شرعی اصولوں کے مطابق معاملات سرانجام دے رہی ہو ، اور ان کے شریعہ بورڈ کے علماء کرام کے علم و تقوی پر آپ کو اعتماد ہو، تو آپ ان کے ساتھ معاملات کرسکتے ہیں، نیز ایسے بینک میں فکس ڈپازٹ اور سیونگ اکاونٹ کے ذریعے منافع لینے کی شرعاً گنجائش ہے۔
واللہ تعالٰی اعلم بالصواب
دارالافتاء الاخلاص،کراچی