سوال:
میرے ایک دوست نے غصے میں آکر کر یہ الفاظ کہہ دیے کہ "خدا کچھ نہیں کر سکتا، عیسیٰ بن مریم سب کچھ کر سکتے ہیں" کیا میرا دوست یہ بات کہنے سے کافر ہوگیا ہے اور اس کے نکاح کے بارے میں کیا حکم ہے؟
جواب: پوچھی گئی صورت میں جو الفاظ آپ کے دوست نے کہے ہیں، ان الفاظ کی وجہ سے وہ دائرہ اسلام سے خارج ہوگیا ہے، لہذا آپ کے دوست کو چاہیے کہ فی الفور توبہ و استغفار کرےاور ان الفاظ سے براءت کا اظہار کرتے ہوئے تجدید ایمان کرے اور تجدید ایمان کے بعد اگر وہ باہمی رضامندی سے بیوی کے ساتھ رہنا چاہتا ہو تو نئے مہر کے ساتھ دوبارہ نکاح کرنا لازم ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الصارم المسلول علی شاتم الرسول: (ص: 391)
قالوا: سب اللہ تعالی کفر محض وھو حق اللہ وتوبۃ من لم یصدر منہ الا مجرد الکفر الاصلی او الطاری مقبولۃ مسقطۃ للقتل بالاجماع۔۔۔۔۔الخ
الدر المختار مع رد المحتار: (باب المرتد، 414/2، ط: سعید)
ما یکون کفراً اتفاقا یبطل العمل والنکاح۔۔۔۔وما فیہ خلاف یومر بالاستغفار والتوبۃ و تجدید النکاح۔
واللہ تعالٰی اعلم بالصواب
دارالافتاء الاخلاص،کراچی