سوال: اگر کوئی شخص اپنی زندگی میں موجود مصائب سے نجات پانے کے لیے خودکشی کا راستہ اختیار کرے تو اس کے بارے میں کیا حکم ہے؟ کیا وہ خودکشی کرنے کی وجہ سے کافر ہو جاتا ہے؟ اور کیا وہ کبھی جنت میں داخل نہیں ہوگا؟

جواب: واضح رہے کہ خودکشی کرنا حرام اور بدترین گناہ کبیرہ ہے،چنانچہ حضرت ابوہریرہ ؓسے مروی ہے کہ آپﷺ نے فرمايا: جس نے كسى لوہے كے ہتھيار كے ساتھ اپنے آپ كو قتل كيا تو وہ ہتھيار اس كے ہاتھ ميں ہو گا اور ہميشہ وہ اسے جہنم كى آگ ميں اپنے پيٹ ميں مارتا رہے گا، اور جس نے زہر پی كر اپنے آپ كو قتل كيا تو جہنم كى آگ ميں زہر ہاتھ ميں پكڑ كر اسے ہميشہ پيتا رہے گا،اور جس نے اپنے آپ كو پہاڑ سے گرا كر قتل كيا تو وہ جہنم كى آگ ميں ہميشہ پہاڑ سے گرتا رہے گا۔(صحيح مسلم، حديث نمبر : 109)
البتہ خودکشی کرنے سے انسان کافر ہوجاتا ہے یا نہیں؟ اس میں یہ تفصیل ہےکہ اگر وہ خودکشی کرنے کو حلال سمجھتا ہو تو اس سے وہ کافر ہوجائے گا، اور اگر وہ اسے حلال نہیں سمجھتا ہو تو خودکشی کرنے سے وہ کافر تو نہیں ہوگا، تاہم حدیث مذکور کے مطابق اسے شدید عذاب ہوگا، البتہ ایسے شخص کو اللہ پاک اپنے فضل سے معاف فرماکر کبھی نہ کبھی جنت میں داخل فرما دیں گے۔