سوال: حضرت ! careem یا bykea کے riders بعض اوقات بغیر official app استعمال کیے ride دے دیتے ہیں اور پیسے خود رکھ لیتے ہیں تو کیا ایسی صورت میں ride لینا جائز ہوگا ؟ اور اگر جائز نہیں تو گناہ کس پر آئے گا؟

جواب: ہماری معلومات کے مطابق اگر careem یا bykea کے riders، کمپنی کی app کے ذریعے ride نہ اٹھائیں، تو وہ کمپنی کے معاہدے کے پابند نہیں ہوتے، بلکہ وہ ذاتی حیثیت سے معاملہ کرتے ہیں، اگر ہماری معلومات درست ہیں تو صورت مسئولہ میں اگر سفر کی منزل اور سفر سے پہلے اجرت مقرر کر لی جائے، تو ایسی صورت میں یہ معاملہ جائز ہے، اور riders کا ساری اجرت خود رکھنا بھی جائز ہے۔
نوٹ: مشاہدہ میں یہ بات بھی سامنے آئی ہے کہ بعض ڈرائیورز App کے ذریعے کسٹمر کی Location معلوم کرلینے کے بعد App بند کرکے خود اس لوکیشن پر پہنچ کر سواری سےذاتی طور پر معاملہ کرکے RIDE اٹھا لیتے ہیں، ڈرائیورز کا یہ عمل Careem یا Bykea کمپنی کے ساتھ دھوکہ اور خیانت کے زمرے میں شمار کیا جائے گا، جو کہ ناجائز ہے، لہذا اس سے بچنا ضروری ہے۔