سوال:
مفتی صاحب !
آسیہ نام رکھنا کیسا ہے؟ اور مسلم كى حديث نمبر ٥٣٣٣ جس كے مطابق نبی صلی الله عليه وعلى اله وصحبه وسلم نے اس نام کو تبديل كر كے جمیلہ رکھا تھا، کی صحت كے بارے میں بھی آگاہ فرمادیں۔
جزا ک الله خير
جواب: واضح رہے کہ "آسیہ" نام رکھنا صحیح ہے، البتہ "عاصیہ" عین اور صاد کے ساتھ نام رکھنا غلط ہے، کیونکہ اس کا معنی گناہگار عورت کے ہیں، اور صحیح مسلم کی روایت میں "عاصیۃ" نام کی تبدیلی کے بارے میں بیان کیا گیا ہے، نہ کہ "آسیہ" نام کی تبدیلی کے بارے میں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح مسلم: (رقم الحدیث: 2139، 1687/3، ط: دار إحياء التراث العربي)
حدثنا أبو بكر بن أبي شيبة، حدثنا الحسن بن موسى، حدثنا حماد بن سلمة، عن عبيد الله، عن نافع، عن ابن عمر: أن ابنة لعمر كانت يقال لها عاصية فسماها رسول الله صلى الله عليه وسلم جميلة
مشکوٰۃ المصابیح: (باب الأسامی، الفصل الاول، رقم الحدیث: 4758)
وعن ابن عمر: ’’ أن بنتاً کانت لعمر یقال لہا : عاصیۃٌ ، فسمّاہا رسول اللہ جمیلۃً ‘‘ ۔ رواہ مسلم
واللہ تعالٰی اعلم بالصواب
دارالافتاء الاخلاص،کراچی