سوال:
کیا یہ بات شریعت کی رو سے صحیح ہے کہ جو شخص کسی نجومی کے پاس اپنے مستقبل کا حال جاننے کے لیے جائے اور اس کو ہاتھ دکھائے تو اس کی چالیس دن کی نمازیں اللہ تعالی قبول نہیں فرمائیں گے؟
جواب: جی ہاں! حدیث شریف میں آپ ﷺ کا ارشاد مذکور ہے کہ "جو شخص کسی عرّاف(نجومی) کے پاس گیا اور اس سے کوئی (مستقبل کی) بات دریافت کی تو چالیس دن تک اس کی نمازیں قبول نہیں ہوں گی"۔ (مشکوٰۃ المصابیح،ص: 393)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (ص: 393)
عن حفصۃ قالت قال رسول اﷲ صلی اللہ علیه وسلم :من اتی عرافا فسألہ عن شیٔ لم یقبل لہ صلاۃ اربعین لیلۃ۔
واللہ تعالٰی اعلم بالصواب
دارالافتاء الاخلاص،کراچی