سوال: ہمارے یہاں یہ عام رواج ہے کہ اکثر شادی وغیرہ میں برتن وغیرہ ڈیکوریشن والوں سے لیے جاتے ہیں، جس میں کھانے کی پلیٹ اور دوسرے برتن بھی ہوتے ہیں، جن کو دوسرے مذہب کے لوگ مثلاً عیسائی اور ہندو وغیرہ بھی استعمال کرتے ہیں، کیا ان برتنوں کو اپنے استعمال میں لانا جائز ہے یا نہیں؟

جواب: صورت مسئولہ میں اگر غیر مسلموں کے استعمال کئے ہوئے برتنوں کو دھو کر استعمال کیا جائے، تو اس میں کوئی مضائقہ نہیں ہے۔